Разделы сайта

статистика посещений

индекс цитирования

Архив новостей

26.09.2022

Тыдзень роднай мовы

Родная мова шмат не патрабуе. Але калі ўжо назваў яе роднай, калі лічыш яе такой для сябе — павінен жа быць перад ёй хоць нейкі абавязак. Ці хоць часам пра яе думаць. Калі хоць палова з тых сямідзесяці чатырох працэнтаў, якія падчас апошняга перапісу назвалі роднай мовай беларускую, падумае аб яе лёсе — значыць, не ўсё яшчэ страчана.

З 19 па 23 верасня 2022 года у Рэспубліцы Беларусь прайшоў Тыдзень роднай мовы “Як ты дорага мне, мая родная мова!”.
Напярэдаднi правядзення Тыдня, 16 верасня 2022, года арганізаваны рэспубліканскi дыктант, прымеркаваны да Дня народнага адзінства.

У панядзелак 19 верасня тыдзень пачаўся з Прэзентацыі віншавальных паштовак “Пажаданні роднай мове”. Вучні 9-11 класаў прынялі ўдзел у стварэнні інтэрактыўнага воблака слоў “Маё любімае слова па-беларуску“.

У школе была арганізавана экскурсія ў вугалок этнаграфіі “Аб родным краі роднай мовай”.

У аўторак вучням 8 класаў быў арганізаваны прагляд беларускамоўнай пастаноўкі “Вечар” А. Дударава, для вучняў 6 класаў - наведванне краязнаўчага музея, а для вучняў 8 класаў - квэст-гульня “Фальклор, фальклор – душа народа”. У гэты дзень вучні 7 класа арганізавалі сустрэчу з ветеранам працы, былой настаўніцай беларускай мовы і літаратуры Шпак Рэгінай Атнонаўнай. Анлайн-акцыя “Натхнёныя Бацькаўшчынай” дала магчымасць вучням бліжэй пазнаёміцца са знакамітымі беларусамі і зняць відэасюжэты пра іх.

Віртуальныя экскурсіі па маршрутах, звязаных з жыццём і дзейнасцю знакамітых “майстроў слова”, флаер-фэст “Мой родны кут, як ты мне мілы..” прайшлі ў 6-11 класах у сераду.

Чацвер прайшоў у гульнёвай форме: гульня “Любі, шануй, ведай родную мову” для вучняў 6 класаў, гульня “Кошык весялосці” для вучняў 7 класаў, моўны турнір “Усё мілагучна для слыху майго…” для вучняў 5 класаў. Вясёлыя перапынкі “Беларускія гульні” стравалі чудоўны настрой для вучняў 2 – 5 класаў.

Завяршыўся тыдзень творчай акцыяй “Чытаем Максіма Танка разам”. Вучні з задавальненнем успомнілі творчасць юбіляра, бліжэй пазнаёміліся з яго творчасцю.

Калі ты чуеш яе — ці то сучасную літаратурную, ці змешаную "трасянку", або мясцовую дыялектную — ведай, што гэта ўсё яна — наша беларуская мова. Не адварочвайся, а прымі яе, бо яе месца ў тваёй краіне. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету.

Дык не дай загінуць ёй, жывой і непаўторнай, “з легендаў і казак” сатканай, “вобразнай, вольнай, пявучай”, цудоўнай роднай мове.