Разделы сайта

статистика посещений

индекс цитирования

Архив новостей

17.12.2021

Максім Багдановіч...Гонар і слава беларускай літаратуры!

Да 130-годдзя зоркі беларускай літаратуры Максіма Багдановіча

“МАКСІМ БАГДАНОВІЧ… ГОНАР І СЛАВА БЕЛАРУСКАЙ ЛІТАРАТУРЫ”

Вечна светлы i вечна дужы,

Вечна юны, як наша зямля.

Мы табой ганарымся — і плачам,

Мы нясём цябе ў сэрцы праз дым.

Нізка голаў схіляю, юнача,

Перад вечным глаголам тваім.

У. Караткевіч. «Багдановічу»

Максіма Багдановіча называюць песняром красы і гармоніі. Вялікая любоў жыве ў народзе да яго паэзіі, да яго самога – як чалавека таленавітага і самаадданага. Кожнае пакаленне зноў і зноў адкрывае для сябе веліч асобы паэта і незвычайнае хараство яго лірыкі. Максім Багдановіч – гонар і слава беларускай літаратуры, адзін з самых знакамітых і любімых паэтаў.

Але перш за ўсё Максім Багдановіч – арыгінальны паэт з высокім ідэйна-мастацкім узроўнем твораў, іх жанравай і тэматычнай разнастайнасцю. Яго вершы поўныя шчырых і хвалюючых пачуццяў, адзначаныя тонкім псіхалагізмам, музычнасцю, эмацыянальнасцю. Спадчына выдатнага майстра стала каштоўным набыткам беларускай і сусветнай духоўнай культуры.

“Ёсцъ паэты, якія пішуць творы, каб потым з ix выдаць выбранае, але ёсць i паэты, што пішуць толькі выбранае. Да такіх i належыць Максім Багдановіч”.

Максім Танк

9 снежня мы адзначылі 130-годдзе з дня нараджэння Максіма Багдановіча, які пражыў так мала, але паспеў стаць вялікім паэтам.

З гэтай нагоды ў школе на працягу тыдня з 9 па 16 снежня праходзілі мерапрыемствы, звязаныя з жыццём і творчасцю паэта.

У чацвер, 9 снежня, пачала сваю працу тэматычная выстава,прысвечаная Максіму Багдановічу. Вучні 5 “В” класа ў гэты дзень бліжэй пазнаёміліся з асобай пісьменніка на паэтычнай кампазіцыі “Так ярка пражыць – лепшай долі няма на зямлі”. Вучні 6 “А” класа правялі інфармацыйную гадзіну “Незабыўны Максім Багдановіч”, дзе даведаліся шмат цікавых звестак пра класіка беларускай літарату. Пазней, 15 снежня, вучні скарысталі гэтую інфармацыю на гуртку “Спроба пяра” пры напісанні нататкі ў школьную газету “Святло паэзіі Максіма Багдановіча”. Акрамя гэтага вучні наведалі выставу ў школьнай бібліятэцы.

У пятніцу, 10 снежня, адбыўся конкурс “Зорка ад Максіма Багдановіча”, пад час якога вучням прапанавалі ўспомніць вершы паэта і ўставіць прапушчаныя ў іх словы. Той, хто справіўся хутчэй і выканаў заданне правільна, атрымаў “зорку Маскіма Багдановіча”.

13 снежня вучні 5-9 класаў прынялі ўдзел у выставе малюнкаў да твораў Максіма Багдановіча.

Вучні 8 класаў атрымалі магчымасць адправіцца ў “Завочнае падарожжа ў музей Максіма Багдановіча”.

14 снежня гурток “Спадчына” падрыхтаў і правёў для вучняў 9 класаў паэтычную гадзіну “Чалавек вялікай душы і таленту”.

16 снежня вучні 11 класаў наведалі мерапрыемства “Пясняр чыстай красы і гармоніі”, а вучні 9 класаў наведалі літаратурную гасцёўню “Нязгаснаю зоркай ты ў небе Радзімы навекі”.